Нидерланды әлем чемпионаты тарихына енді және Бразилияның жетістігін артта қалдырды
Нидерланды құрамасы 2026 жылғы әлем чемпионатының екінші турында Швецияны 5:1 есебімен айқын жеңіп, мундиал тарихында тарихи жетістікке қол жеткізді, деп хабарлайды Sports24.kz.
Осы нәтижеден кейін «қызғылт сары» құраманың әлем чемпионаттарындағы жеңіліссіз сериясы 14 матчқа жетті. Осылайша, нидерландиялықтар 1958-1966 жылдар аралығында қатарынан 13 матчта жеңілмеген Бразилия құрамасының рекордын жаңартты.
Нидерланды мундиалда негізгі уақытта соңғы рет 2010 жылғы әлем чемпионатының финалында жеңілді. Ол кезде команда қосымша уақытта Испанияға 0:1 есебімен есе жіберіп, алғаш рет әлем чемпионы атану мүмкіндігін жіберіп алды.
2014 жылғы әлем чемпионатында Нидерланды жартылай финалға дейін жетіп, онда Аргентинаға пенальти сериясында ғана жол берді, кейін турнирдің қола жүлдегері атанды. 2018 жылғы әлемдік додаға команда іріктеуден өте алмай, қатыса алмады.
2022 жылғы әлем чемпионатында да нидерландиялықтарды ширек финалда Аргентина пенальти сериясында тоқтатты. Матчтан кейінгі пенальти сериясындағы жеңілістер ойын статистикасына енгізілмейтіндіктен, құраманың жеңіліссіз сериясы үздіксіз жалғасып, енді әлем чемпионаттары тарихындағы рекордқа айналды.
Швецияны жеңу Нидерландыға F тобындағы позициясын нығайтып қана қоймай, өз есімін әлем футболының тарихына алтын әріппен жазуға мүмкіндік берді.