«Наполи» Аллегриді көпшілік алдында айыптады: Суперкубок жартылай финалынан кейінгі жанжал
«Наполи» ресми мәлімдеме жасап, Италия Суперкубогының жартылай финалында «Миланның» бас бапкері Массимилиано Аллегридің әрекеттерін қатаң сынға алды.
Эр-Риядта өткен матчта неапольдіктер 2:0 есебімен жеңіске жетіп, турнирдің финалына жолдама алды.
Клуб мәліметінше, ойын барысында Аллегри дөрекі сөздер мен бейәдеп лексика қолданып, бірнеше мәрте «Наполидің» өкілі Габриэле Ориалини қорлаған. Неапольдіктердің айтуынша, бұл оқиға алаң шетінде көрермендердің көз алдында және тікелей эфирде орын алған.
Өз үндеуінде «Наполи» осындай әрекеттердің мұндай деңгейдегі ресми матчта, әсіресе, ойын толық бейнетүсірілімге түсіп жатқанда, мүлде орынсыз екенін атап өтті. Клуб болған жайттың тиісті органдар тарапынан елеусіз қалмайтынына үміт білдіріп, «Милан» бапкерінің қылығына баға беруді сұрады.
«Біз бұл мүлде бақылаусыз қалған шабуыл назардан тыс қалмайды деп сенеміз, әсіресе, матчтың трансляциясына 33 камера қатысқанына байланысты оқиғаны көрмей қалу мүмкін емес», – делінген клубтың мәлімдемесінде.
Неапольдік тарап Аллегриге қатысты тәртіптік тергеу жүргізіп, мүмкін жазалау шараларын қолдануды талап етіп отыр.
Айта кетейік, «Наполи» Италия Суперкубогының финалына жолдама алып қойды. Енді олар 22 желтоқсанда екінші жартылай финалдың жеңімпазы – «Интер» не «Болоньямен» кездеседі.
Сондай-ақ А сериясының президенті «Милан» – «Комо» матчын Аустралияда өткізуді растады.
