Моуринью «Фенербахче» клубының бас бапкері қызметінен босатылды
Португалиялық бапкер Жозе Моуринью енді Ыстамбұлдың «Фенербахче» командасының тізгінін ұстамайды.
«2024/25 маусымынан бастап кәсіби футбол командамыздың бас бапкері болған Жозе Моуриньюмен қош айтыстық. Командаға қосқан үлесі үшін алғысымызды білдіреміз және алдағы мансабына сәттілік тілейміз», – деп хабарлады «сары канарейкалардың» баспасөз қызметі.
«Особенный» 2024 жылы Ыстамбұлдық клубқа бас бапкер болып тағайындалған еді.
Жаңа маусымда Жозенің жетекшілігімен «Фенербахче» Түркия Суперлигасының алғашқы екі турында 4 ұпай жинады. Чемпиондар лигасының іріктеу кезеңінде «сары канарейкалар» алдымен «Фейеноордтан» басым түсті, алайда «Бенфикадан» өте алмады.
Бұған дейін «Бешикташ» клубы Уле-Гуннар Сульшердің бас бапкер қызметінен босатылғанын хабарлаған болатын.
