Минимум ұпай, максималды нәтиже! Танзания Африка ұлттар кубогы тарихында ерекше жетістікке қол жеткізді
Танзания Африка ұлттар кубогының плей-офф кезеңіне небәрі екі ұпаймен шыққан алғашқы команда атанды
Футбол
Данияр Қайратов
Редактор
ФОТО: x.com/brfootball
Танзания құрамасы өз атын Африка ұлттар кубогы тарихына алтын әріппен жазды.
Африка ұлттар кубогының топтық кезеңінің үшінші турында танзаниялықтар Тунистің құрамасымен 1:1 есебімен тең ойнап, екі ұпай жинады және турнир плей-оффына алғаш рет жолдама алды.
Opta деректері бойынша, бұл жетістік бұрын-соңды болмаған: 2019 жылы Африка ұлттар кубогында үздік үшінші орын алған командаларға плей-оффқа шығуға мүмкіндік беретін жаңа формат енгізілгеннен бері, Танзания екі ұпаймен келесі кезеңге өткен алғашқы команда болды.
Айта кетейік, Нигерия C тобынан барлық матчта жеңіске жетіп, жүз пайыздық көрсеткішпен бірінші орын иеленді. Тунис төрт ұпаймен екінші орынға тұрақтады. Уганда бір ғана ұпаймен топты аяқтады.