«Мінез көрсетіп, қарсыластың сағын сындырдық»: «Қайрат» бапкері азшылықта жеңіске жеткен матч жайлы
Алматылық «Қайраттың» бас бапкері Рафаэль Уразбахтин сырт алаңдағы «Тұранға» қарсы 2:1 есебімен аяқталған қиын матчты бағалады.
«Ойын оңай болған жоқ. Маңызды жеңіске жетіп, үш ұпай еншілегенімізге қуаныштымыз. Бірінші таймда гол соққанға дейін бірнеше жақсы мүмкіндігіміз болды, өкінішке қарай, оларды пайдалана алмадық. Жігіттердің әрекетінде біраз қобалжу байқалды. Кейбір қарапайым сәттерде де қателіктерге жол беріп жатты. Соның кесірінен допты қайта қайтаруға қосымша күш жұмсауға тура келді», – деді Уразбахтин.
Оның айтуынша, «Қайрат» бұл ойында лайықты түрде жеңіске жетті.
«Екінші таймда түзетулер енгізіп, ойыншыларды сабырға шақырдық. Сол арқылы өз деңгейлерінде ойнауға мүмкіндік бергіміз келді. Бастама біздің қолымызда болды, ойын жақсы өрбіді. Алайда орынсыз қызыл қағаздан кейін қарсылас есепті теңестіріп кетті. Сонда да жігіттер мінез танытып, шешуші голды соғып кетті. Бұл жеңіске толықтай лайықтымыз деп санаймын».
Сондай-ақ маман жанкүйерлерге алғысын жеткізді.
«Жанкүйерлерге айтар алғысым шексіз. Бүгін бізді қолдауға келгендер көп болды. Олардың қуатын сезініп тұрдық. Сол қолдаудың арқасында жеңіске деген құлшыныс арта түсті, тіпті тең ойын бізге жеткіліксіз көрінді. Бұл жеңісте жанкүйерлердің де үлесі бар»,- деді Уразбахтин клубтың баспасөз қызметіне берген сұқбатында».
