Мбаппенің дебюттік хет-тригі Реалға Вальядолидті сырт алаңда жеңуге көмектесті
26 қаңтарда Испания Ла Лигасының 21-турындағы матч өтті, онда “Вальядолид” өз алаңында мадридтік “Реалды” қабылдады.
Бұл ойында “галактикостардың” француз шабуылшысы Килиан Мбаппе ерекше ойын көрсетті, ол мадридтік клубтың жейдесіндегі алғашқы хет-тригін жасады. Алдымен француз екі голды ойын кезінде соғып, кейін пенальтиден тағы бір гол енгізді.
Нәтижесінде, мадридтік команда сырт алаңда 0:3 есебімен жеңіске жетті!
Ла Лига. 21-тур
Вальядолид – Реал Мадрид – 0:3 (0:1)
Голдар: Мбаппе, 30, 57, 90+1 (пенальтиден).
Айта кетсек, Мбаппе осы маусымда “Реал” сапында 22 гол соқты.
Сонымен қатар, француз Ла Лигада 15 гол соғып, үздік сұрмергендер тізімінде екінші орында тұр. Ол бірінші орынға орналасқан Роберт Левандовскийден бір голға қалып келеді, поляк шабуылшысы қарсылас қақпасына 16 гол енгізген.
Бұл матчтан кейін “Реал” 49 ұпаймен Ла Лиганың көшбасшысы атанды. Ал “Вальядолид” 15 ұпаймен турнирлік кестенің соңғы, 20-орнында тұр.
