«Манчестер Ситиге» Лига кубогы матчында «Суонсиға» қарсы камбэк жасауға тура келді

Бірақ жеңіс – әрқашан жеңіс

Футбол 29 қаз 2025 17:42

Жантөре Қайсаров

Редактор

«Манчестер Сити» Англия лигасы кубогының 1/8 финалындағы «Суонсиға» қарсы ойында айқын фаворит саналған еді, алайда Пеп Гвардиола шәкірттеріне кездесудің тағдырын өз қолына алуға тура келді.

Чемпионшиптің ортаңқол командасы ойынның басында есеп ашты, алайда бірінші таймның соңында-ақ Жереми Доку таблодағы көрсеткішті теңестірді. Екінші таймда «Суонси» толықтай қорғанысқа жабысып, бірде-бір соққы жасамады.

Дегенмен, «қалалықтар» тығыз шоғырланған қорғанысты бұзып өтті, матчты пенальти сериясына жеткізбей-ақ шешті. Омар Мармуш екінші таймның ортасында көзге түсіп, «Манчестер Сити» мығым қарсыласты тізе бүктірді.

Англия. Лига кубогы. 1/8 финал

«Суонси» – «Манчестер Сити» – 1:3

Голдар: Франко, 12 – Доку, 39, Мармуш, 77, Шерки, 90+3