Максим Самородов «Ахматтың» оқу-жаттығу жиынына қосылды
Қазақстан құрамасының шабуылшысы жаңа маусымға дайындықты бастады
Футбол
Абылай Сеитов
Журналист
ФОТО: ФК «Ахмат»
Қазақстан құрамасының шабуылшысы Максим Самородов Грозный қаласының «Ахмат» клубының Новогорскідегі оқу-жаттығу жиынына қосылды.
Дайындықтың алғашқы кезеңінде «Ахмат» үш жолдастық матч өткізуді жоспарлап отыр. Алғашқы кездесу 29 маусымда өтеді – қарсылас ретінде мәскеулік «Динамо» таңдалған. Қалған қарсыластар кейінірек белгілі болады.
Ресей Премьер-лигасының жаңа маусымы 18–21 шілде аралығында басталады. Бірінші турда Самородовтың командасы өз алаңында Қазанның «Рубин» клубын қабылдайды.
Өткен маусымда Ахмат РПЛ-да 14-ші орын алған болатын. Самородов Ресей чемпионатында 24 кездесу өткізіп, алты гол соғып, төрт нәтижелі пас берді.
