Лука Модрич әлем чемпионатының іріктеуінде гол соққан ең егде еуропалық ойыншы атанды

Хорватиялық жартылай қорғаушы 39 жас 9 айында рекорд орнатты

Футбол 10 мау 2025 02:17

Абылай Сеитов

Журналист

Хорватия құрамасының капитаны Лука Модрич әлем чемпионатының іріктеу кезеңінде гол соққан ең егде еуропалық футболшы атанды, деп хабарлайды R10 Score.

Бұл жетістік Чехияға қарсы өткен кездесуде тіркелді – Хорватия 5:1 есебімен ірі жеңіске жетті. Модрич 39 жас 9 айында гол соғып, бұған дейінгі рекорд иесі болған Босния шабуылшысы Эдин Джеконың көрсеткішінен (39 жас, 2 ай, 12 күн) асып түсті.

Келесі матчта Хорватия 5 қыркүйекте Фарер аралдарына қарсы ойнайды. Чехия дәл сол күні Черногориямен кездеседі.