Луис Энрике «ПСЖ» тізгініндегі мерейтойлы матчын өткізді
Футбол
Наурызбай Қанатұлы
Фото: gettyimages
Франциялық «Пари Сен-Жермен» клубы Чемпиондар лигасының ширек финалында ағылшындық «Астон Вилла» клубымен кездесті.
Аталған матч, париждік клубтың бас бапкері Луис Энрике үшін мерейтойлы матч болды. «ПСЖ» испаниялық маманның жетекшілігімен өткен 100 матчтың 71-де жеңіске жеткен. 18 мәрте тең ойнаса, 11 мәрте жеңілген.
54 жастағы маман париждік клубқа бас бапкер болып 2023 жылдың жазында келген болатын.
Париждік клуб Чемпиондар лигасының ширек финалындағы алғашқы матчта 3:1 есебімен жеңіске жетті. Командалар арасындағы қарымта матч 16 сәуірге қараған түні өтеді.
