Лионель Месси «Интер Майами» командасын MLS матчында құтқарып қалды. Видео
«Интер Майами» MLS тұрақты чемпионатының сырт алаңдағы матчында «Нью-Инглэнд Революшнды» жеңді. Кездесудің басты қаһармандарының бірі аргентиналық шабуылшы Лионель Месси болды, деп хабарлайды Sports24.kz.
Матч қонақтардың пайдасына 2:1 есебімен аяқталды. Алаң иелері 53-минутта Даниэль Газдагтың голы арқылы есеп ашты.
69-минутта Херман Бертереме Мессидің пасынан кейін есепті теңестірді. Ал 83-минутта аргентиналықтың өзі допты қақпа торына жіберіп, командасына жігерлі жеңіс сыйлады.
Осы нәтижеден кейін «Интер Майами» 59 ұпай жинап, турнир кестесінде екінші орынға көтерілді. Ал 58 ұпайы бар «Нью-Инглэнд Революшн» үшінші сатыда орналасқан.
MLS-тегі соңғы матчында «Нью-Инглэнд Революшн» сырт алаңда «Орландо Ситимен» кездеседі. «Интер Майами» өз алаңында «Шарлоттпен» ойнайды. Екі кездесу де 8 қарашада өтеді.
