Әли ӘЛИЕВ: \"Ұлттық құраманы жаттықтыру мен үшін үлкен мәртебе\"
Футбол
Наурызбай Қанатұлы
Фото: kff.kz
Қазақстан ұлттық құрамасы бас бапкерінің міндетін атқарушы Әли Әлиев жаңа лауазымдағы жоспарлары туралы айтты.
"Қазір алдымызда екі маңызды міндеттеме бар. Біріншісі, жанкүйер алаңда барын салып күресетін құраманы көру керек.
Екіншісі, ұлттық құрамаға жастарды көбірек тартамыз. Қазірдің өзінде ұлттық құрамаға шақыртуға лайық, күтіп жүрген жас футболшыларымыз бар",- деді Әли Ханалиұлы.
Айта кетейік, Әли Әлиев бас бапкердің қызметін уақытша атқарады. Ол Ұлттық құраманы наурыздағы Уэльспен және Лихтенштейнмен ойындарға дайындайды. Екі кездесуде жақсы нәтиже көрсетсе, жұмысын ары қарай жалғастырады.
Егер Әлиевтің баптауымен құрама түзелмесе, шетелден маман келеді.
