Левандовски Барселонада ең көп жалақы алатын ойыншы. Ямаль қандай табыс табады?
"Барселонаның" жас таланты Ламин Ямал әлемдік футболдың элитасына тез арада енді. Оның шеберлігі мен допқа деген бақылауы жанкүйерлерді таңғалдыруда. Ямал – "Ла Масия" академиясының үздік ойыншыларды тәрбиелейтінін дәлелдейтін жарқын мысал.
Қазіргі таңда оның клубтағы жалақысы аса жоғары емес. Capology мәліметінше, оның апталық табысы £27 083 ($35 000), ал жылдық табысы – £1,4 млн ($1,8 млн). Дегенмен, оның ерекше дарынын ескерсек, "Барселона" жақын арада оған әлдеқайда тиімді келісімшарт ұсынуы мүмкін.
"Барселонадағы" ең көп жалақы алатын ойыншылар
Қазіргі уақытта каталондық клубтағы ең жоғары жалақыны Роберт Левандовски алады – жылына £28 млн. Одан кейін Френки де Йонг пен Ансу Фати тұр, бірақ Фатидің мансабы әзірге күткендей жоғары деңгейде дамып жатқан жоқ. Сонымен қатар, ең көп табыс табатын бес ойыншының қатарына Жюль Кунде мен Рафинья кіреді.
Ла Лигадағы ең жоғары жалақы алатын ойыншылар
Левандовски тек "Барселонада" ғана емес, бүкіл Ла Лигада ең көп жалақы алатын ойыншы саналады. Одан кейін "Реал" жұлдыздары – Килиан Мбаппе, Давид Алаба және Джуд Беллингем орналасқан. Бұл тізімде "Атлетико" сапынан тек қақпашы Ян Облак бар.
Әлемдегі ең жоғары жалақы алатын футболшылар
Ла Лига жалақы жағынан жоғары болғанымен, әлемдік футболдың көшбасшыларымен салыстырғанда ол аса үлкен емес.
Қазіргі таңда ең жоғары табыс табатын бес ойыншының барлығы Сауд Арабиясының Про-лигасында ойнайды.
Тізімнің алғашқы екі сатысында португалдық аңыз Криштиану Роналду мен француз шабуылшысы Карим Бензема тұр. Үшінші орынды алжирлік Рияд Марез иеленген. Ал үздік бестікті Англия Премьер-лигасының бұрынғы жұлдыздары Садио Мане мен Калиду Кулибали түйіндейді.
Бұған дейін "ПСЖ" Ламин Ямалға рекордтық ұсыныс жасауға дайын екені хабарланған. Егер трансфер жүзеге асса, ол да Сауд Арабиясының жұлдыздарымен қатар әлемдегі ең жоғары жалақы алатын ойыншылардың қатарына кіруі мүмкін.
