Әлемдегі ең ұлы клуб. Хусановтың мансабын жалғастыруға қатысты күтпеген нұсқа аталды
Мадридтік «Реал» «Манчестер Сити» командасының өзбек қорғаушысы Абдуқодир Хусановты жалға алу мүмкіндігін қарастыруда.
Fichajes ақпаратынша, мадридтік клуб үшін басты басымдық — қорғанысты нығайту, бірақ бұл ретте қаржылық тұрақтылықты бұзбай, болашақ стратегияларға кедергі келтірмеу.
Сондықтан Мадридте Хусановты жалға алу мәселесін шындап зерттеп жатыр. Ал Манчестерде футболшыға сенім артылмағандықтан, келіссөздерге дайын екені айтылуда.
Айта кету керек, Хусанов Корольдік клубтың бірқатар талаптарына сай келеді: жастығы, әлеуеті, тәуекелдің төмендігі және жақсы бейімделу қасиеті.
Сонымен қатар, өзбек футболшысының ауысуы «Реалдың» Азия нарығындағы позициясын нығайтуға мүмкіндік береді. Бұл аймақ брендті дамыту үшін стратегиялық маңызға ие.
Биылғы маусымда Өзбекстан құрамасының 21 жастағы қорғаушысы «Сити» сапында барлық жарыстарда тоғыз матч өткізді.
Бұған дейін Хосеп Гвардиола өзбек қорғаушысының әлеуетіне жоғары баға берген болатын.
