Кубоктағы сенсация: «Жеңіс» чемпион «Ақтөбені» турнирден ұшырып жіберді

Футбол 13 сәу 2025 10:03

Аружан Темірбек

Редактор

Өткен маусымның Қазақстан Кубогының иегері - «Ақтөбе» футбол клубы биылғы жарыста ерте сүрінді. Команда 1/8 финал кезеңінде елордалық «Жеңіске» 0:1 есебімен жол беріп, турнирден ұшып кетті.

Ойын тағдырын 76-минутта «Жеңіс» жартылай қорғаушысы Никита Ромның дәл соққысы шешті. Бұл жеңіс елордалық клуб үшін тарихи мәнге ие болды - команда ұзақ үзілістен кейін алғаш рет Қазақстан Кубогының ширек финалына жолдама алды.

Қазақстан Кубогы. 1/8 финал
«Жеңіс» — «Ақтөбе» — 1:0 (0:0)
Гол: Ром, 76 (1:0)

«Ақтөбе» үшін бұл нәтиже күтпеген жайт болды. Елдегі ең мықты құрамдардың біріне ие команда биыл да трофей үшін таласады деп күтілген. Алайда «Жеңіс» жақсы дайындық пен ұйымшылдық танытып, сенімді ойын өрнегін көрсетті.

Ширек финалда елордалық клуб «Астанаға» қарсы шығып, жартылай финал жолдамасын сарапқа салады.

Байланысты командалар мен лигалар

Женіс

Актобе

Қазақстан Кубогы