Кенжебек көмектесе алмады. Кошице гегемонмен ойында Словакия Кубогынан шығып қалды
Словакия Кубогының ширек финалдық ойыны аяқталды, онда “Кошице” мен братиславалық “Слован” кездесті.
Жалғыз голды матчтың 38-минутында Тигран Барсегян соқты. Ал 57-ші минуттан бастап қонақтар 10 адаммен ойнады, бірақ минималды есепті ұстай алды. Осылайша “Слован” кубоктың жартылай финалына шықты.
Айта кетейік, “Слован” Словакия чемпионатында гегемон болып табылады. Команда 6 рет қатарынан ел біріншілігін жеңіп алды. Ал биылғы маусымда ол тұрақты чемпионаттың жеңімпазы атанып, плей-офф кезеңінде күресін жалғастыруда.
Жас қазақстандық ойыншы Ғалымжан Кенжебек алаңға 75-минутта шықты. Ол гол соға алмады, бірақ ойын соңында сары қағаз алды. Еске салайық, “Слованмен” (2:3) өткен соңғы бетпе-бет кездесуде ол команда сапындағы дебюттік голын соққан болатын.
Словакия Кубогы. 1/4 финал. 12 наурыз
Кошице - Слован Братислава - 0:1
Гол: Барсегян, 38.
Қызыл қағаз: Игнатенко, 57 (Слован).
