«Каспий» клубының экс-директоры Ержан Жамбыровқа қатысты сот басталды

Футбол 30 сәу 2025 13:11

Бакберген Тынымов

Редактор

Ақтауда бұрынғы футбол функционері Ержан Жамбыров пен оның сыбайластарына қатысты қылмыстық іс бойынша сот процесі басталды.

«Orda» басылымының мәліметінше, Жамбыров аса ірі көлемде ақша жымқыру және бопсалау, сондай-ақ ұйымдасқан қылмыстық топ құрамында әрекет ету бойынша айыпталып отыр. Іс құпия сипатқа ие. Дереккөздің хабарлауынша, айыпталушылардың бірі сот отырысын БАҚ пен жұртшылықтан жабуды сұраған.

Басылымның мәліметіне сүйенсек, Жамбыровпен бірге Сәкен Смағұл, Асқын Қауымбаева және Мейрам Оразұлы да сот алдында жауап беруде. Мейрам Оразұлына - қылмыстық топ құру, ал қалғандарына - сол топқа қатысу бойынша айыптар тағылған.

Бұған дейін, Бас прокуратураның тапсырмасымен «Заң және тәртіп» бағдарламасы аясында «Ақтөбе» футбол клубында тексеріс жүргізілген болатын. Нәтижесінде клубта ірі көлемдегі қаржылық заңбұзушылықтар анықталды.

Байланысты командалар мен лигалар

Каспиу Актау