Каннаваро Ресей және Сауд Арабиясымен матчтарға Өзбекстан құрамасының тізімін жариялады
Тізімге жергілікті клубтарда да, шетел чемпионаттарында да өнер көрсететін 30 футболшы енді, деп хабарлайды Sports24.kz.
Алдағы халықаралық оқу-жаттығу жиыны аясында Өзбекстан құрамасы екі кездесу өткізеді. Алғашқы қарсылас Ресей құрамасы болса, одан кейін Каннаваро шәкірттері Сауд Арабиясымен матч өткізу үшін Катарға аттанады. Италиялық маман өтінімге төрт қақпашы, сегіз қорғаушы, 12 жартылай қорғаушы және алты шабуылшыны енгізді.
Қақпашылар: Абдувохид Нематов («Насаф»), Владимир Назаров («Пахтакор»), Эдем Неманов («Динамо» Самарқанд), Самандар Муратбаев («Насаф»).
Қорғаушылар: Рустамжон Ашурматов («Эстегляль», Иран), Джахонгир Урозов («Рубин», Ресей), Бехрузжон Каримов («Лугано», Швейцария), Шерзод Насруллаев («Пахтакор»), Мұхаммадрасул Абдумажидов («Пахтакор»), Гиёсжон Ризақұлов («Қызылқұм»), Махмуджон Махамаджонов («Динамо» Махачкала, Ресей), Дилшод Муртозоев («Насаф»).
Жартылай қорғаушылар: Одилжон Хамробеков («Трактор», Иран), Азизбек Тулкунбеков («Бунёдкор»), Акмал Мозговой («Пахтакор»), Азизжон Ғаниев («Банияс», БАӘ), Шерзод Эсанов («Бұхара»), Умарали Рахмоналиев («Сабах», Әзербайжан), Диёр Холматов («Навбахор»), Бекхруз Уктамов («Сурхон»), Аброрбек Исмоилов («Нефтчи»), Достонбек Хамдамов («Пахтакор»), Руслан Жиянов («Навбахор»), Жасур Жалолиддинов («Навбахор»).
Шабуылшылар: Аббосбек Файзуллаев («Истанбул Башакшехир», Түркия), Нодир Абдураззоков («АГМК»), Азиз Холмуродов («АГМК»), Элдор Шомуродов («Истанбул Башакшехир», Түркия), Хусаин Норчаев («Навбахор»), Азизбек Амонов («Динамо» Самарқанд).
Қарашадағы оқу-жаттығу жиынына шақырылған футболшылардың қатарында Түркияның «Истанбул Башакшехир» клубында ойнайтын шабуылшылар Элдор Шомуродов пен Аббосбек Файзуллаев та бар. Екі ойыншының да халықаралық аренада өнер көрсету тәжірибесі мол және олар Фабио Каннаваро командасының шабуыл шебінде маңызды рөл атқара алады.
Сонымен қатар италиялық маманның қарамағында Ресей, Иран, Швейцария, Әзербайжан және БАӘ чемпионаттарында ойнайтын футболшылар болады. Олардың қатарында Қазанның «Рубин» клубының қорғаушысы Джахонгир Урозов, Махачкаланың «Динамо» командасының өкілі Махмуджон Махамаджонов және Әзербайжанның «Сабах» клубының жартылай қорғаушысы Умарали Рахмоналиев бар.
Өтінімнің басым бөлігін Өзбекстан ішкі чемпионатында өнер көрсететін ойыншылар құрайды. Жергілікті клубтар арасында «Пахтакор» мен «Навбахор» ең көп өкілдікке ие болды — бес футболшыдан. Осылайша, Каннаваро шетелде ойнайтын футболшыларды да, ұлттық чемпионат өкілдерін де түрлі футбол конфедерацияларына кіретін қарсыластармен матчтарда бағалауға мүмкіндік алды.
Өзбекстан құрамасы алғашқы жолдастық кездесуін 12 қарашада Ресейге қарсы өткізеді. Матч Ташкенттегі «Пахтакор» стадионында өтіп, Астана уақытымен 20:00-де басталады. Екінші кездесу 17 қарашаға жоспарланған. Фабио Каннаваро командасының қарсыласы Сауд Арабиясы болады.
Ойын Дохадағы «Яссим бин Хамад» стадионында өтеді. Басталуы — Астана уақытымен 20:30.
