Испания кубогы. Мальорка төртінші дивизион клубына жеңіліп қалды, Райо мен Хетафе жеңіске жетті
2024/25 маусымының Испания кубогының 1/16 финалы аясында 3-қаңтардан 4-қаңтарға қараған түні үш кездесу өтті.
Балеар аралдарының өкілі “Мальорка” күтпеген жерден Сегунда Федерасьон лигасында өнер көрсететін испан футболының төртінші дивизионындағы “Понтеведраға” ірі есеппен ұтылды. Бірінші таймның ортасында аралдықтар алғашқы голды жіберіп алды, ал үзілістен кейін “Понтеведра” тағы екі гол соғып, матчты 3:0 есебімен аяқтады.
Мадридтік “Райо Вальекано” да үш гол соғып, “Ферроль” қақпасын бұзды. Алайда “Ферроль” матчтың соңында қарсылас қақпасына “жұбаныш голын” енгізе алды. Ал Мадрид аймағынан шыққан тағы бір клуб “Хетафе” “Гранадамен” тек қосымша уақытта ғана жеңіске жетіп, матчты 1:0 есебімен аяқтады.
Испания Кубогы 2024/25, 1/16 финал
3-қаңтар
Понтеведра - Мальорка (Пальма-де-Майорка) - 3:0 (1:0)
Голдар: Де Алмейда, 21, Пино, 49, Санчес, 72.
Ферроль - Райо Вальекано (Мадрид) - 1:3
Голдар: Хименес Кандела, 90 - Эспино, 9, Де Фрутос, 32, Де Фрутос, 59.
Гранада - Хетафе - 0:1 (0:0)
Гол: Майораль, 93.