«Интер» — «Ливерпуль»: Чемпиондар лигасындағы матчтың бастапқы құрамдары
10 желтоқсан түнінде, 2025/2026 жылғы маусымдағы Чемпиондар лигасының жалпы кезеңінің 6-турында «Интер» ағылшындық «Ливерпульді» қабылдайды.
Ойын Миландағы «Сан-Сиро (Джузеппе Меацца)» стадионында өтеді. Кездесудің бас төрешісі — Феликс Цвайер. Матчтың басталу ысқырығы қазақстандық уақыт бойынша 01:00-де беріледі.
Командалардың бастапқы құрамдары:
«Интер»: Зоммер, Бастони, Ачерби, Аканджи, Димарко, Энрике, Барелла, Чалханоглу, Мхитарян, Мартинес, Тюрам.
«Ливерпуль»: Алисон, Гомес, ван Дейк, Конате, Собослаи, Исак, Мак Аллистер, Джонс, Экитике, Робертсон, Гравенберх.
Бес турдан кейін «Интер» 12 ұпай жинап, турнирлік кестеде төртінші орында тұр, ал «Ливерпуль» 9 ұпаймен 13-орында орналасқан.
Өткен турда миландық клуб «Атлетико Мадридтен» 1:2 есебімен жеңіліп қалса, «қызылдар» ПСВ-ден 1:4 есебімен ұтылды.
