Холанд Чемпиондар лигасының тарихын қайта жазды. Форвардтың керемет жетістігі
Шабуылшы Эрлинг Холанд әлемдік футболдағы талай мергендік рекордтарды жаңартты, ал өзінің бұрынғы командасы – дортмундтық «Боруссияға» қарсы матчта норвегиялық тағы бір тарихи жетістікке қол жеткізді.
Холанд Чемпиондар лигасында қатарынан бес ойында үш түрлі клуб сапында гол соққан тұңғыш шабуылшы атанды. Ол бұл нәтижеге 2019-2020 жылғы маусымда «Ред Булл Зальцбург» клубында, келесі маусымда дортмундтық «Боруссияда» қол жеткізген.
Норвегиялық ойыншының қазіргі гол соғу сериясы өткен маусымнан жалғасып келеді. Плей-офф кезеңіндегі алғашқы матчта ол мадридтік «Реалдың» қақпасына доп соқты, қарымта ойында алаңға шықпады, ал биылғы негізгі кезеңнің төрт ойынының бәрінде де нәтижелі ойын көрсетті.
Айта кетсек, бұл турда каталониялық «Барселона» да өз тарихындағы жағымсыз рекорд орнатты.
