«Хартс» иесінің Чесноков туралы пікірі: Егер мүмкіндігін пайдаланса, бір-екі маусымда жоғары деңгейге шығады
ESPN арнасының комментаторы және шотландиялық «Хартс» клубының тең иесі Марк Дональдсон BorodAbata.kz басылымына берген сұхбатында Ислам Чесноков жайлы пікір білдірді:
«Біз Исламды Шотландияда қарсы алуға асықпыз. «Хартс» пен «Тобол» жазда келіссе жақсы, бірақ егер бұл қыста жүзеге асса да, біз қуанамыз. Адаптацияда қиындық болмайды деп ойлаймын, себебі біздің командада түрлі ұлт өкілдері ойнайды – барлығы тату.
Мен Чесноковтың ойынынан көптеген бейне көрдім және оның жергілікті чемпионаттың стиліне сай келетініне сенімдімін. Жалпы, тәжірибелі футболшылар жаңа турнирдің ырғағына бейімделе алады, егер бар күшін салып, бапкерді тыңдаса.
Исламға Эдинбург ұнайды деп сенемін – бұл әлемдегі ең керемет әрі тарихы бай қалалардың бірі. Егер мүмкіндігін толық пайдаланса, бір-екі маусымда-ақ жоғары деңгейдегі командаға ауыса алады. Соңғы жылдары «Хартс» трансферден пайда көріп жүр».
«Хартс» Ислам Чесноковты қатарға қосуды жоспарлап отыр. Бірақ оның нақты қай кезде – жазда ма, әлде қыста ма – Эдинбургке келетіндігі әлі белгісіз.
«Ақтөбе» Струмияны қайтарғысы келді, бірақ ол Черногорияны таңдады.
