Гвардиола Манчестер Сити жанкүйерлеріне жағымды жаңалық жеткізді
Команданың көшбасшыларының бірі негізгі құрамға оралды
Футбол
Жантөре Қайсаров
Редактор
ФОТО: Getty Images
Соңғы уақытта «Манчестер Сити» командасының көшбасшылары жарақат алып, қатардан шығып қалған еді. Дегенмен, жағдай оңалып келеді – бұл туралы «қалалықтардың» бас бапкері Пеп Гвардиола мәлімдеді.
Испаниялық бапкер баспасөз мәслихатында жартылай қорғаушы Родридің қыркүйекте алған жарақатынан толық айығып, негізгі құрамға қайта қосылғанын, енді алдағы «Борнмутқа» қарсы матчта алаңға шығуы әбден мүмкін екенін айтты.
Испандық футболшы бұлшықет жарақатына байланысты соңғы ойындарды жіберіп, Испания құрамасына да шақырылмаған болатын. Бұл жағдай өткен жылдың қыркүйегінде алған тізе байламдарының жарақатынан айыққаннан кейін орын алды. Бұған дейін Гвардиола командасына Абдуқодир Хусанов та қайта оралған еді.
