Гвардиола – 2025 жылғы «Алтын доп» фавориттері туралы: Дембеле ме, әлде Ямаль ма?
«Манчестер Сити» клубының бас бапкері Хосеп Гвардиола 2025 жылғы «Алтын доп» жүлдесіне үміткерлер жайлы пікір білдірді.
«Бұл марапат шын мәнінде лайықты ойыншыға беріледі. Неге ол Усман Дембеле болмасқа? Ол жеңуге болатын барлық титулды жеңіп алды. Ал Ламин Ямаль – 17 жасында номинацияға ілігу – бұл өз алдына үлкен жетістік», – деді бапкердің сөзін Sport.es келтіреді.
Париждік ПСЖ шабуылшысы Усман Дембеле 2024/25 маусымында жарқын ойын өрнегін көрсетті: 49 матчта 33 гол соғып, 15 нәтижелі пас берді. Ол Франция чемпионатын, ел Кубогын және Чемпиондар лигасын жеңіп алды.
«Барселона» командасының жас жұлдызы Ламин Ямаль да керемет маусым өткізді – 55 кездесуде 18 гол, 25 ассист. Каталондықтармен бірге ол Испания чемпионатын, Кубогын және Суперкубогын ұтты.
Еске сала кетейік, 2024 жылы «Алтын доп» жүлдесі Испания құрамасы мен «Манчестер Сити» жартылай қорғаушысы Родриге табысталды.
