Григорий Бабаян: «Астана» Бауыржан Исламханды қайта қалпына келтіру үшін қатарына қосты
«Астананың» бас бапкері Григорий Бабаян 32 жастағы жартылай қорғаушы Бауыржан Исламханмен келісімшарт жасау туралы пікір білдіріп, бұл клубтың құрамын күшейту емес, ойыншыны жарақаттан кейін қалпына келтіруге мүмкіндік беретінін атап өтті.
Legalbet.kz тілшісіне берген сұхбатында Бабаян бұл шешімді клуб басшысы Саят Хамитжановтың ұсынғанын айтты.
«Бұл ойыншыны құрамға күшейту емес, Бауыржанды қалпына келтіру процесінде қолдау көрсету болатын. Негізгі мақсат – оны біздің мамандардың бақылауымен, медициналық қызметкерлер мен фитнес-тренерлердің көмегімен қалпына келтіру. Біздің клуб барлық күшін салып, оны үлкен футболға қайта оралуына көмектесуге тырысады, өйткені оның деңгейі барлығына белгілі. Біз болашақта оны қайтадан «Астана» мен Қазақстан құрамасында жарқын ойын көрсетіп, қуантады деп үміттенеміз», – деді Бабаян.
26 шілдеде Исламхан «Астана» клубымен жарты жылдық келісімшартқа қол қойды. Ол 2013 жылы «Астанада» 8 матч өткізген.
Биылғы маусымды Исламхан «Тұран» клубында бастады, бірақ жарақатына байланысты биылғы маусымда бірде-бір матчқа қатысқан жоқ. Өз мансабында ол «Тараз», Ресейдің «Кубань», «Қайрат» және БАӘ-нің «Аль-Айн» клубтарында да ойнады.
