Флик Мессидің «Барселонаға» оралуы мүмкіндігі туралы пікір білдірді
Соңғы уақытта Лионель Мессидің «Камп Ноуға» қайта оралуы мүмкін деген қауесеттер жиілеп кетті, осыған байланысты «Барселонаның» бас бапкері Ханси Фликке осы сұрақ қойылды.
Неміс маманы мұндай сценарий шындыққа айналса да, оның Каталония астанасындағы жұмыс кезеңінде болмайтынын атап өтті.
«Месси — соңғы онжылдықтағы, тіпті одан да ұзақ уақыттың үздік ойыншысы — оның ойынын тамашалау әрдайым ұнайтын. Оның келісімшарты 2028 жылға дейін, ал менікі — 2027 жылға дейін, сондықтан оған қатысты бапкерлік шешімдер маған байланысты емес», — деді Флик.
Месси 2004 жылдан 2021 жылға дейін «Барселонада» ойнап, клуб тарихындағы үздік сұрмерген атанды: 778 матчта 672 гол соқты.
Бұған дейін «Барселонаның» вице-президенті «Камп Ноу» стадионын Месси құрметіне қайта атау туралы пікір білдірген болатын.
