«ФИФА реформалануы тиіс»: топ-лигалар Инфантиноға қарсы бірікті
АПЛ, Серия А, Ла Лига және Бундеслига ФИФА құрылымында түбегейлі өзгерістер жүргізуді талап етіп, ортақ мәлімдеме жасады, деп хабарлайды Sports24.kz.
Лигалар өз мәлімдемесінде жаһандық футболдың негізі бір адамның — Джанни Инфантиноның ұстанымына байланысты қауіпке ұшырағанын мойындады. Инфантино ФИФА-ға реформа қажет екенін мойындағанымен, үстірт шешімдер жеткіліксіз. Осыған байланысты ол орындалуы тиіс үш талап қойды:
1. Мүдделері қозғалған тараптарға шешім қабылдау үдерісінде нақты рөл беру
Лигалар ФИФА-дан ұлттық қауымдастықтар, клубтар, лигалар және ойыншылар сияқты мүдделі тараптардың өкілдерінен тұратын тұрақты орган құруды талап етті. Оның үстіне, бұл орган ФИФА қабылдайтын барлық шешімдер туралы толық ақпаратқа ие болуы керек. Ал егер шешім мүдделі тараптарға тікелей қатысты болса, оны қабылдау кезінде органның өз дауысы болуы тиіс.
- Сондай-ақ оқыңыз: УЕФА Инфантинодан Қазақстанға 10 миллион доллар талап етті
2. Шешімдердің нақты деректер негізінде қабылдануын қамтамасыз ету
ФИФА-ның кез келген ірі бастамасы қабылданғанға дейін мұндай шешімнің не себепті қажет екені нақты тұжырымдалған негіздемеге сүйенуі тиіс.
3. ФИФА-ның реттеуші рөлін коммерциялық қызметінен қорғау
ФИФА-ның реттеуші әрі футбол мүдделерінің қорғаушысы ретіндегі рөлі жаһандық жарыстарды ұйымдастырушы ретіндегі коммерциялық қызметінен сенім, заңдылық және есептілікті қамтамасыз ететін берік институционалдық тетіктер арқылы қорғалуы керек. Этикалық, қаржылық және сайлау органдарының тағайындалуы, бюджеттері мен өкілеттіктері ФИФА әкімшілігі мен президентінен шын мәнінде тәуелсіз болуы тиіс.
Лигалар ФИФА президенті лауазымына үміткерлерден (әзірге жалғыз үміткер — Инфантино) осы ұстанымды қолдауды және сайланғаннан кейін ұлттық қауымдастықтар мен кеңірек футбол қауымдастығының өкілдері болатын орган құру үшін басқару мәселелері жөніндегі конвенция шақыруды талап етті.
