ФИФА «Ордабасыға» жаза қолданды: клуб бұрынғы ойыншысына 30 миллион теңгеден астам қарыз болып шықты
ФИФА-ның мәліметінше, «Ордабасы» келісімшартта көрсетілген бірқатар қаржылық міндеттемелерін орындамаған. Клуб футболшыға 16,6 миллион теңге еңбекақысын және 28 күндік демалыс өтемақысын төлемеген. Сонымен қатар, 2023 жылғы чемпиондық маусымнан кейін командаға уәде етілген 400 миллион теңге сыйақы қорының өз үлесін Умаров ала алмаған.
Енді клуб футболшыға жалпы 31 миллион теңгеден астам өтемақы төлеуі тиіс, оған қоса 5 пайыздық өсім ақы қосылады.
Айта кетейік, Шохбоз Умаровтың шағымы 2024 жылдың көктемінде ФИФА жанындағы дауларды шешу палатасына түскен. Құжаттарды егжей-тегжейлі қарағаннан кейін ұйымның заң департаментінің басшысы Эмилио Гарсиа Сильверо шешімді футболшының пайдасына шығарды.
Қазір Умаров «Тұран» сапында өнер көрсетеді. Маусым қорытындысы бойынша команда ҚПЛ-дан түсіп, Бірінші лигаға жол тартты. «Ордабасы» да биыл сәтсіз маусым өткізуде - шешуші тур алдында шымкенттіктер турнир кестесінде жетінші орында тұр.
Білу қызықты: Дұрыс букмекерлік кеңседе онлайн спорттық ставкаларды қалай қауіпсіз орналастыруға болады?
