ҚФФ Премьер-лига матчтарына қанша жанкүйер келгенін хабарлады
Көрсеткіш үнемі өсуде
Футбол
Жантөре Қайсаров
Редактор
ФОТО: Sports24.kz
26 қазанда 2025 жылғы Қазақстан футбол чемпионатының соңғы ойындары өтті, енді маусым қорытындысын шығаруға болады. Бұл іспен федерация да айналысып, Премьер-лига матчтарына қанша жанкүйер келгенін жариялады.
ҚФФ бас хатшысы Давид Лория Threads-тегі парақшасында мәлімдегендей, чемпионаттың 182 матчына 900 мыңнан астам көрермен жиналған. Бұл көрсеткішті негізге алсақ, бір ойында орта есеппен 4 945 жанкүйер келген маусым 2025 Премьер-лига тарихындағы ең көп жанкүйер жинаған кезең болды деуге толық негіз бар.
Айта кетейік, 2024 жылғы маусымда орташа көрермен саны 4 914 жанкүйерді құраған. Ал 2025 жылғы соңғы тур өткен Премьер-лига маусымындағы ең көп жанкүйер жиналған тур ретінде тарихқа енді.
