Жарқын жартылай финалдық дерби. Испания Суперкубогының кестесі белгілі болды
Турнир финалы Сауд Арабиясында 11 қаңтарда өтеді
Футбол
Данияр Қайратов
Редактор
ФОТО: Getty Images
Испания футбол Суперкубогының кестесі жарияланды.
Бірінші жартылай финалда «Барселона» мен Бильбаоның «Атлетик» клубы кездеседі. Бұл матч 7 қаңтарда өтеді. Ал екінші жартылай финалда — «Атлетико Мадрид» пен «Реал Мадрид» 8 қаңтарда алаңға шығады.
Испания Суперкубогының финалы 11 қаңтарда өтеді. Барлық ойындар Сауд Арабиясының Жидда қаласындағы «Алинме Стедиумда» өтеді.
Айта кетейік, «Барселона» — Испания чемпионы. «Реал» — Ла Лигада екінші орын алып, Король кубогының иегері атанды.
«Атлетико Мадрид» өткен маусымда Ла Лигадан үшінші орын алып, Кубоктың жартылай финалына дейін жетті. Бильбао клубы ішкі чемпионатта төртінші орынға тұрақтады.
