Эквадордағы қайғылы оқиға: «Барселона» қорғаушысы Марио Пинейда шабуыл кезінде көз жұмды
Эквадор футболы ауыр қайғыға душар болды. Жергілікті «Барселона» командасының қорғаушысы Марио Пинейда қарулы шабуыл салдарынан 33 жасында өмірден озды.
Апат жайлы ресми ақпарат клубтың әлеуметтік желідегі парақшаларында жарияланды.
Эквадор БАҚ мәліметінше, оқиға барысында футболшының жұбайы да қаза тапқан. Пинейданың анасы жарақат алып, медициналық мекемеге жеткізілді, қазіргі уақытта оған көмек көрсетілуде.
Марио Пинейда 2016 жылдан бері Гуаякильдің «Барселона» клубының намысын қорғап, команда қорғанысының негізгі ойыншыларының біріне айналды. Ол осы уақыт ішінде клуб сапында екі мәрте Эквадор чемпионы атанып, ұлттық Кубокты да ұтып алған.
Әр жылдары Пинейда «Индепендьенте дель Валье» мен «Насьональ» клубтарында өнер көрсетіп, Бразилияның «Флуминенсе» командасында да тәжірибе жинаған.
2015 жылдың жазында қорғаушы Эквадор құрамасына шақырылып, Чилиде өткен Америка Кубогына ұлттық команданың сапында тіркелгенімен, турнир барысында алаңға шықпады.
Клуб, командадағы серіктестері мен жанкүйерлер марқұмның отбасына қайғыра көңіл айтып жатыр. Марио Пинейданың қайғылы қазасы эквадор футбол қауымдастығы үшін ауыр соққы болды.
Сондай-ақ 20 жастағы футболшы сиырмен соқтығысып, жол апатынан қаза тапты.