Дюков Ресей құрамасындағы Карпиннің жалақысы көтерілді деген қауесетті жоққа шығарды
Ресей футбол одағының президенті Александр Дюков бас бапкер Валерий Карпиннің "Ростовтан" кеткеннен кейін ұлттық құрамадағы жалақысы артты деген ақпаратқа түсініктеме берді, деп хабарлады "Спорт-экспресс".
Дюковтың айтуынша, бұл мәлімет шындыққа жанаспайды.
"Карпиннің құрамадағы жалақысы "Ростовтан" кеткеннен кейін көтерілді ме? Бұл – жалған ақпарат. Маған ондай нәрсе белгісіз. Ол бұрынғы деңгейде қалды", – деді РФО басшысы.
Карпин "Ростов" клубын екі рет басқарды: 2017-2021 жылдары және 2022 жылдан 2025 жылғы 25 ақпанға дейін. Ұлттық құрамада ол 2021 жылдан бері жұмыс істеп келеді.
Ресей құрамасы халықаралық турнирлерден шеттетілгеніне қарамастан, алдағы ойындарға дайындығын жалғастыруда.
Сондай-ақ оқыңыз: ФОТО. Германия құрамасы 125 жылдық мерейтойына арналған жаңа формасын таныстырды