Дәреже өседі. Қазақстан құрамасының жуырдағы қаһарманы «Астана» сапына қосылады
Талғат Байсуфиновтың жетекшілігімен Қазақстан құрамасында өзін көрсеткен бірнеше ойыншы шықты, солардың бірі атақты клубқа ауысу мүмкіндігіне ие болды.
kazfootball.kz хабарлағандай, «Жеңіс» командасының жартылай қорғаушысы Дінмұхамед Қараман «Астана» сапына ауысады. Ақпарат көзі трансфердің нақты шарттарын ашып айтпағанымен, Transfermarkt мәліметінше, жартылай қорғаушының қазіргі клубымен келісімшарты 2025 жылдың соңында аяқталады.
Жартылай қорғаушы Қараман Қазақстан құрамасы сапында 2026 жылғы әлем чемпионатының іріктеу кезеңінде Бельгияға қарсы ойында (0:6) дебют жасаған еді. Сондай-ақ, Солтүстік Македонияға қарсы матчта (1:1) қайшылап әдемі гол соққан болатын.
Бұған дейін «Астана» тәжірибелі қорғаушы Александр Марочкинмен қош айтысуы мүмкін екені хабарланған еді, ол «Қайсардың» назарына іліккен.
