Диас УЕФА-дан ПСЖ-мен болған матчтағы қызыл қағаз үшін үкім естіді
Ойыншы элиталық футболсыз біраз уақыт өткізуге мәжбүр болады
Футбол
Жантөре Қайсаров
Редактор
ФОТО: Getty Images
ПСЖ-ға қарсы өткен ойында «Бавария» шабуылшысы Луис Диас Ашраф Хакимиге жасаған өрескел фол үшін қызыл қағаз алып, алаңнан мерзімінен бұрын кетті — бұл сәт туралы толық ақпаратты осы жерден оқи аласыз. УЕФА-ның тәртіптік органдары колумбиялық ойыншыға қатысты шеттету мерзімін анықтады.
Шешімге сәйкес, Диас Чемпиондар лигасындағы «Баварияның» үш бірдей матчына қатыса алмайды. Бұл Венсан Компани командасы сырт алаңда «Арсеналға», сондай-ақ өз алаңында «Спортингке» және «Унионға» қарсы ойындарда колумбиялық шабуылшысыз қалатынын білдіреді.
Дегенмен, Диас негізгі кезеңде алаңға оралады, себебі оның дисквалификациясы Эйндховенде өтетін ПСВ-мен матч алдында аяқталады.
