Чемпионшип. Плей-офф: «Сандерленд» «Ковентриден» жеңісті жұлып алып, финалға бір қадам жақындады
Англия Чемпионшипінің плей-офф кезеңіндегі жартылай финалдың алғашқы матчында «Сандерленд» сырт алаңда «Ковентри Ситиді» 2:1 есебімен жеңіп, финал жолдамасына жақындады.
Тартысты өткен кездесуде есепті 68-минутта Изидор ашты. Арада екі минут өткенде алаң иелері сапынан Рудони таразы басын теңестірді. Алайда 88-минутта Маенда шешуші гол соғып, «қара мысықтарға» маңызды жеңіс сыйлады.
Чемпионшип. Плей-офф. Жартылай финал. Алғашқы матч
«Ковентри Сити»— «Сандерленд» — 1:2
Голдар: Рудони, 70 — Изидор, 68, Маенда, 88.
Енді екі команда арасындағы қарымта ойын 13 мамырда Сандерлендтің алаңында өтеді. Жеңімпаз финалда «Шеффилд Юнайтед» - «Бристоль Сити» жұбының мықтысымен кездеседі. Айта кетейік, алғашқы ойында «Шеффилд» 3:0 есебімен жеңіске жеткен болатын.
«Ковентри Сити» клубын әйгілі Фрэнк Лэмпард жаттықтырады. Маусым басында 17-орында тұрған команда бапкердің жетекшілігімен керемет серпіліс жасап, маусымды үздік бестік қатарында аяқтап, плей-оффқа жолдама алды.
Байланысты командалар мен лигалар
