Челсидің бұрынғы ойыншысы Астана-Челси арасындағы ойынға баға берді

Футбол Бүгін 13:16

Челсидің бұрынғы ойыншысы Астана-Челси арасындағы ойынға баға берді

Getty Images

Лондондық “Челсидің” бұрынғы жартылай қорғаушысы Джо Коул 12-желтоқсан күні Алматыда өткен Конференциялар лигасының топтық кезеңінің 5-турында “Астанаға” қарсы 3:1 есебімен жеңіске жеткен “көктердің” ойынына сараптамалық пікірін білдірді.

“Бұл “Челсидің” екінші таймдағы кәсіби өнер көрсетуі болды, команда матч соңына дейін ойынды ұстап тұра алды. Көптеген жас ойыншылар өздеріне өте пайдалы минуттарды алды, бұл олардың дамуы үшін аса маңызды.

“Челсидің” ойыншылары саяхаттап келген жанкүйерлеріне алғыс айту үшін олармен амандасуға шықты. Енді олар ұшаққа мініп, үйлеріне оралып, жексенбі күні “Брентфордпен” өтетін ойынға дайындалғысы келеді”, - деді Коул британдық ВВС басылымына берген онлайн сұқбатында.

Бұған дейін УЕФА “Астананың” Конференциялар лигасы аясында “Челсиге” қарсы жеңілісіне баға бергені жайлы хабарланған еді.