Бәрі бақылауда: «Хартс» бапкері Чесноковтың қашан ауысатынын айтты
Ойыншыны Шотландияда күтуде
Футбол
Серик Амирбек
Редактор
ФОТО: Getty Images
«Тобылдың» шабуылшысы Ислам Чесноков шотландиялық «Хартс» клубына ауысуға дайындалып жатыр. Команданың бас бапкері Дерек Макиннес ойыншының қашан келетінін айтты.
«Біз үнемі Исламның агенттерімен байланыста отырмыз. Келесі аптаға онымен телефон арқылы сөйлесуді жоспарлап отырмын. Біз оның желтоқсанда келуін сабырмен күтіп отырмыз.
Жұмысқа рұқсат алу процесі толық аяқталады. Біз оның желтоқсанда бізбен бірге жаттыққанын қалаймыз, кейін оны Рождествоға үйіне жібереміз, ал қаңтарда ол қайта оралады», – деп келтіреді маманның сөзін Edinburgh News.
Қазіргі уақытта «Хартс» Шотландия чемпионатының турнирлік кестесінде көш бастап тұр – 11 матчтан кейін 29 ұпай жинаған. «Селтик» көшбасшыдан тоғыз ұпайға қалып келеді.
