«Ботафого» клубтық әлем чемпионатында ПСЖ-ны сенсациялық түрде жеңді
19-шы маусымнан 20-шы маусымға қараған түні (Астана уақытымен) АҚШ-тың Калифорния штатындағы Пасадена қаласында орналасқан «Роуз Боул» стадионында клубтық әлем чемпионаты – 2025 B тобындағы екінші тур матчы өтті.
Франциялық ПСЖ мен бразилиялық «Ботафого» арасындағы кездесуде 1:0 есебімен Рио-де-Жанейро клубы жеңіске жетті. Жеңіс голын 36-минутта Игор Жезус соқты.
Осы жеңістен кейін алты ұпай жинаған «Ботафого» B тобының көшін бастады. Үш ұпайдан жинаған ПСЖ мен «Атлетико» екінші және үшінші орындарды бөлісіп тұр. Ал «Сиэтл Саундерс» әзірге бірде-бір ұпайсыз соңғы орында.
Клубтар арасындағы әлем чемпионаты. B тобы. 2-тур. 20 маусым
ПСЖ (Франция) – Ботафого (Бразилия) – 0:1
Гол: Жезус, 36.
Клубтар арасындағы әлем чемпионаты: топтар құрамы, күнтізбе, матч нәтижелері.
