«Бұл маңызды». Куртуа Ла Лигадағы футболшылар наразылығына қатысты пікір білдірді
Испания Ла Лигасының тоғызыншы турында барлық командалардың футболшылары «Вильярреал» – «Барселона» матчын Испанияда өткізуді ұйымдастыруға қарсы наразылық білдірді. Трансляцияны жүргізушілер бұл әрекетті жасыруға тырысып, «тұрып наразылық» кезінде ойыншыларды көрсетпеді. Бұл әрекеттер «Реал» қақпашысы Тибо Куртуа үшін тосын жаңалық болмады.
Бельгиялық қақпашы Ла Лига президенті Хавьер Тебастың әлеуметтік желілердегі мәлімдемелеріне көбірек таң қалғанын айтады, ал наразылықты жасыруды ол нағыз манипуляция деп атады.
«Неге таңқаласыздар — олар мұны бұрыннан жасап келе жатыр. Әлеуметтік желідегі ашық мәлімдемелер — ешқашан спорттық лига президентінің бұлай сөйлегенін көрген емеспін. Наразылықты жасыру — бұл бүркемелеу, бұл манипуляция, және бұл маңызды», – деп келтіреді Куртуа сөзін The Athletic.
Ла Лиганың тоғызыншы турында футболшылар алғашқы 30 секундта «тұрып наразылық» ұйымдастырды.
