«Біз эгоистік жеңілістер едік»: Джеррард Англия құрамасының «алтын ұрпағы» туралы өткір айтты
2000-жылдары Англия құрамасының сапында Дэвид Бекхэм, Невилл ағайындылары, Рио Фердинанд, Стивен Джеррард секілді жұлдызды футболшылар ойнады. Алайда олардың ешқайсысы «үш арыстанға» 1968 жылдан бері жанкүйерлер күткен әлем чемпионы атағын қайтара алмады. Джеррард осы сәтсіздіктің себебін іздеп көрді.
Rio Ferdinand Presents подкастында «Ливерпульдің» бұрынғы жартылай қорғаушысы сол команданың қазіргі ойыншылары бір-бірімен жақсы сөйлесетініне таңғалып, ал сол кезде құраманың ішінде мұндай қарым-қатынас болмағанын айтты.
«Біз бәріміз эгоистік жеңілістер едік. Қазір теледидардан Карагер мен Скоулздың қатар отырып, 20 жылдан бері доспыз дегендей жылы қарым-қатынаста екенін көремін. Карагердің Гари Невиллмен әңгімелескенін көремін. Мен, бәлкім, саған, Рио, қазір бұрынғыдан — 15 жыл бұрын бірге ойнағанымызға қарағанда — әлдеқайда жақынмын.
Ендеше, неге біз 20, 21, 22 жасымызда бір-бірімізді түсіне алмадық? Бұл эго ма еді? Бұл бәсекелестік пе еді? Бұл құраманың ішіндегі қарым-қатынас мәселесі. Біз ұйымшыл болмадық, шын мәнінде достық қарым-қатынас орната алмадық. Біз ешқашан күшті, біріккен команда бола алмадық», – деді Джеррард.
Бұған дейін «Ливерпульдің» бұрынғы жартылай қорғаушысы Трент Александер-Арнолды Мадридтің «Реалына» ауысуына байланысты ескерткен еді.
