«Біз дірілдедік». «Олимпиакос» шабуылшысы күтпеген мойындау жасады
Грекиялық «Олимпиакос» командасының шабуылшысы Мехди Тареми Алматының «Қайратына» қарсы Астанадағы (1:0) жеңісін түсіндірді.
Ирандық форвард Қазақстан астанасындағы төмен температураны да атап өтті.
«Бұл өте ауыр ойын болды, біз «Қайраттың» мықты қарсылас болатынын күттік. Бастапқы минуттардан-ақ ойынды бақылауға және сәттер жасауға тырыстық. Бірінші тайм біз үшін қиынға соқты — жоспарлағанымызды жүзеге асыра алмадық. Бірақ екінші таймда гол соғып, бәрі жақсы аяқталды.
Ауа райына келсек, шынында да, дірілдедік (күледі). Бірақ бұл біздің ойынымызға әсер еткен жоқ. Біз үшін бәрі жақсы өтті. Енді келесі матчқа дайындаламыз.
Біз команда болып ойнаймыз, мен әрдайым өз жұмысымды барынша жақсы орындауға тырысамын. Ең бастысы — біз жеңдік. «Қайрат» — жақсы команда, олар осы уақытқа дейін керемет жұмыс жасады. Олар жоғары прессинг көрсетті, бұл оңай қарсылас емес. Оларға құрмет білдіремін және сәттілік тілеймін», — деп Таремиді ASnews.kz келтіреді.
Алты ойыннан кейін қазақстандық клуб бір ұпай жинап, турнир кестесінде 35-орында тұр. «Олимпиакос» бес ұпаймен 26-орынға жайғасты.
