Бірінші тайм бәрін шешті. «Манчестер Сити» клубтар арасындағы әлем чемпионатын «Видадты» жеңумен бастады
18 маусымда клубтар арасындағы әлем чемпионатының G тобындағы алғашқы кездесуі ағылшындық «Манчестер Сити» мен марокколық «Видад» арасында өтті.
Матчтың барлық ең қызықты сәттерін Sports24.kz Telegram-арнасында live режимде көруге болады!
«Манчестер Сити» фаворит ретінде ойын тізгінін тез қолына алып, матчта тез есеп ашты – Фил Фоден екінші минутта гол соқты. Бірінші таймның аяғында сол ағылшын ойыншысы «қалалықтардың» екінші голына нәтижелі пас берді. Екінші таймда қос команда да қақпаға бір-ақ рет дәл соққы жасап, есеп өзгеріссіз қалды.
Нәтижесінде, Пеп Гвардиоланың шәкірттері клубтар арасындағы әлем чемпионатын сенімді жеңіспен бастады. G тобында «Сити» «Әл-Айн» мен «Ювентуспен» де ойнайды.
Клубтар арасындағы әлем чемпионаты. G тобы. 1-тур. 18 маусым
«Манчестер Сити» (Англия) – «Видад» Касабланка (Марокко) – 2:0
Голдар: Фоден, 2, Доку, 42.
