«Бетис» Антониді толықтай сатып алғысы келеді, бірақ бағасы көңілден шықпай отыр
Испаниялық «Бетис» «Манчестер Юнайтед» командасының вингері Антониді сатып алуға ниетті, деп хабарлайды Sport.es. Дегенмен севильялық клуб мәмілені кейінге қалдырып отыр — олар ойыншының бағасын төмендетуге үміттенеді.
Ағылшындық клуб Антони үшін кемінде 40 миллион еуро сұрап отыр. Бұл сома — ойыншыны «Аякс» клубынан алған кезде кеткен шығынның бір бөлігін қайтаруға бағытталған. «Бетис» бұл төлемді екі маусымға бөліп төлеуді көздейді: 2025/26 және 2026/27 жылдары.
Сондай-ақ, футболшының өзі де жалақысын 30 пайызға қысқартуға мәжбүр болады. Манчестерде 8 миллион еуро алса, Испанияда ол жылына 5-6 миллион еуроға келісуі тиіс.
Антони өткен маусымның екінші жартысын «Бетис» сапында арендада өткізіп, 17 матчта бес гол соғып, екі нәтижелі пас берген болатын.
Иско - Конференция лигасының 2024\/25 маусымындағы үздік ойыншысы.
