Беллингем «Реал» ойыншылары арасында Эль-Класикода рекорд орнатты
Джуд дербиде «Барселонаға» қарсы тамаша өнер көрсетті
Футбол
Данияр Қайратов
Редактор
ФОТО: Getty Images
Эль-Класико аясында «Реал Мадрид» өздерінің басты қарсыласы «Барселонаны» қабылдады. «Бланкос» бұл ойында 2:1 есебімен жеңіске жетті.
Ағылшын шабуылшысы Джуд Беллингем дербиде «Барселонаға» қарсы керемет ойын көрсетті — ол гол да соғып, нәтижелі пас та берді.
22 жастағы Беллингем XXI ғасырда Эль-Класикода гол соғып, нәтижелі пас берген «Реалдың» ең жас ойыншысы атанды.
Ағымдағы маусымда ағылшын шабуылшысы барлық турнирлерде «Реал» сапында сегіз матчқа қатысып, екі гол мен бір нәтижелі пас берді.
Айта кетейік, Винисиус Жуниор өз ауыстырылуына өте риза болмады және Хаби Алонсоға қолын бермеді.
