Бавария Реалға Мюллерді беріп Гюлерді алмақшы
Футбол
Асылхан Тоқсанбек
Редактор
ФОТО: gettyimages.com
Мюнхендік "Бавария" Туркия құрамасының және мадридтік "Реалдың" жартылай қорғаушысы Арда Гюлерге қызығушылық танытуда.
Defensa Central-дің хабарлауынша, "Бавария" басшылығы "Реалға" футболшыларды алмастыруды ұсынған. Мюнхендік клуб туркиялық ойыншыны 35 жастағы Томас Мюллермен алмастыруды көздеген, бірақ "Реал" президенті Флорентино Перес бұл ұсынысқа келіспеген.
Гюлер ағымдағы маусымда "Реал" құрамында 18 матч өткізіп, 1 гол салып, 1 нәтижелі пас берген. Transfermarkt деректеріне сәйкес, оның нарықтық құны €45 млн.
