«Барселона» ыңғайсыз ойын кестесіне қатысты ресми шағым түсіреді
«Барселона» футбол клубы маусымның соңғы бөлігіндегі матч күнтізбесіне қатты наразылығын білдірді. Команданың бас бапкері Ханси Флик алдымен «Сельтамен» ойын алдында бұл туралы сын айтты, бірақ жағдай қайталанды: каталондықтар 4 мамыр күні сағат 00:00-де «Реал Вальядолидпен» ойнаса, 6 мамырда Чемпиондар лигасы аясында «Интермен» сырт алаңда матч өткізеді.
Флик Испанияда еуропалық жарыстарға қатысатын клубтарға ыңғайлырақ кесте түрінде қолдау көрсетілмейтініне ашуланды, содан кейін клуб бапкерді ресми мәлімдемемен қолдады:
«Біз Ханси Фликтің пікіріне толықтай қосыламыз. Испан футболының құзырлы органдары маусымның соңында барлық майданда күресіп жатқан клубтарға көбірек назар аударуы керек» - делінген хабарламада.
«Барселона» сондай-ақ болашақта осындай жағдайлардың орын алмауын қамтамасыз ету үшін ұлттық және халықаралық футбол органдарына ресми шағым түсіретінін растады.
