«Барселона» Фликпен келісімшартты ұзартады

Футбол 12 мам 2025 23:49

ФОТО: Getty Images

«Барселона» Ханси Фликпен келісім-шартын 2027 жылдың жазына дейін ұзарту туралы келісімге келді. Бұл туралы беделді инсайдер Фабрицио Романо хабарлады.

Оның айтуынша, бас бапкермен жаңа келісім 2027 жылдың жазына дейін жарамды. Келісімшартты ұзарту туралы ресми мәлімдеме мамыр айының соңына дейін жарияланады деп күтілуде.

Ханс-Дитер Флик 2024 жылдың мамырында «Барселонаның» бапкері қызметіне кірісті. Келісімшарт 2025/26 маусымының соңына дейін жасалған. Фликтің басшылығымен каталондық клуб өзінің алғашқы маусымында Испания кубогы мен Суперкубогын жеңіп алды, Чемпиондар лигасының жартылай финалына шықты және Ла Лига чемпиондығына бір қадам қалды. Чемпионаттың аяқталуына үш тур қалғанда «Барселона» 82 ұпаймен турнир кестесінде көш бастап тұр. Ең жақын қуған Реал Мадридте 75 ұпай бар.

12 мамырда сонымен қатар Мадридтік «Реалдың» бас бапкері Карло Анчелотти Испания чемпионаты аяқталғаннан кейін клубтан кетіп, Бразилия құрамасын 2026 жылғы әлем чемпионатына дайындау үшін жетекшілік ететіні белгілі болды.

Бразилиялық футбол конфедерациясы итальяндық маманның тағайындалғанын ресми түрде хабарлады.