«Байер» Бундеслиганың алғашқы екі турынан кейін Эрик тен Хагты қызметінен босатты
«Юнайтедтің» қарғысы бәріне тиеді
Футбол
Санжар Ақатаев
Журналист
ФОТО: Getty Images
Леверкузендік «Байер» клубы бас бапкер Эрик тен Хагпен қош айтысу туралы шешім қабылдады, деп хабарлайды инсайдер Фабрицио Романо.
Нидерландиялық маман команданы биылғы жылдың мамыр айының соңында тізгіндеген еді, ол бұл қызметке Хаби Алонсоның орнына келген болатын. Бундеслиганың жаңа маусымындағы алғашқы екі турда оның шәкірттері бар болғаны бір ұпай еншілеп, дәл осы нәтиже жаттықтырушыны қызметінен босату туралы шешім қабылдауға себеп болды.
Клубтың келесі ойыны чемпионат аясында Франкфурттың «Айнтрахтына» қарсы өтеді. Бұл кездесу жұма күні, 12 қыркүйекте, өз алаңында болады.
