Қазақстанның негізгі ойыншысы жарақатын шетелде емдеуге мәжбүр
Қазақстан құрамасы мен "Бешикташ" клубының жартылай қорғаушысы Бактиер Зайнутдинов жарақатынан кейін қалпына келу кезеңінен өтуде.
Қазіргі уақытта ол Испаниядағы танымал Instituto Médico Arriaza медициналық институтында емделіп жатыр. Футболшы толыққанды физикалық дайындығына оралу үшін арнайы қалпына келтіру бағдарламасын бастап кетті.
Зайнутдинов жарақатты жақында өткен ойындардың бірінде алған болатын. Бастапқыда жеңіл деп болжанған жарақаттың күрделірек екені анықталғандықтан, оны шетелде емдеу туралы шешім қабылданды.
"Бешикташ" басшылығы ойыншыға толық қолдау білдіріп, оның команда үшін маңыздылығын атап өтті. Өз кезегінде Зайнутдинов тезірек толық қалпына келуге күш салып жатқанын және алаңға оралуға ұмтылатынын жеткізді.
Қалпына келу мерзімі әлі нақтыланбаған, бірақ клуб оны маусымның шешуші кезеңіне дейін дайын болады деп үміттенуде. Дәрігерлер оның тәртіптілігі мен еңбекқорлығы емдеу үдерісін жылдамдатып жатқанын айтады.
Айымбетов өнер көрсететін Адана Демирспор жаза алғаннан соң кейін тең ойнады
