Қазақстандық төрешілер Беларусь – Ресей матчына тағайындалды
Футбол
Арсен Алиев
Редактор
ФОТО: Getty Images
Қазақстандық төрешілер тобы Беларусь пен Ресей құрамалары арасындағы жолдастық кездесуді өткізеді.
Бас төреші ретінде Саят Қарабаев тағайындалды, деп хабарлайды Bel.football басылымы.
Қарабаевқа көмектесетін қос көмекші - оның отандастары Юрий Тихонюк пен Дмитрий Белоградов. Ал төртінші төреші қызметін беларусьтік Амин Кургхели атқарады.
Жолдастық матч 10 маусым күні Минск қаласындағы Ұлттық стадионда өтеді. Кездесудің басталуы - Астана уақытымен сағат 22:00-де.
Айта кетейік, бұған дейін, 5 маусымда Беларусь құрамасы Борисов қаласында өткен жолдастық кездесуде Қазақстанды 4:1 есебімен жеңген болатын.